Hari iko wakden manarimo pancarin pertamo di internet. lain lo rasonyo maklum awak salamo ko pagawai nnegri nan biaso indak bapitih sarimih alah he. kini lah dapek banyak saketeknyo untuak iduik anak bini, kan rancak tu mah.
ada samacam motivasi untuk taruih bakarajo jo ihklas kalau awak indak mamikian nan kadimakan beko lai doh. Sado alahnyo tau kalau gaji pagawai ko lah dibanamkan ka mamak awak di Bank tu. sudah dibanam tu ndak tarimo lai doh. Makonyo talunta-lunta lah manjadi kebiasaan kami.
Sabananyo awak indak kamancari kayo doh. karano kayo tuh banyak doso. doso ka urang gaek, doso ka anak yatim, doso ka musajik dan doso-doso nan samo sakali awak anggap remeh atau indak tapikian samo sakali dek awak. pagawai tu nan paralu dek inyo cukuik secara wajar biaya iduiknya. cukuik untuak anak sikolah di sekolah negeri, cukuik untuk tingga dirumah nan sihaik indak paralu mewah doh. cukuik uang ka dapua, alah tu mah. Inyo bisa dipacu bakarajo jo kemampuan, ritme, tantangan dan kualitas karajonyo ndak tingga dek pegawai Mandiri, Telkom, PLN, Pertamina tu.
Mungkin iko sadang dipikian dek. Induak samang awak masiang-masiang ndak. Kita urang randah ko, cuma bisa bado'a supayo dilawean bukaan pintu hati induak samang-induak samang awak tu.
Mudah-mudahan yo.
mudah-mudahan anak awak lai bangga jo apaknyo jadi pagawai.
Subscribe to:
Post Comments (Atom)
No comments:
Post a Comment